بسم الله الرحمن الرحيم
السلام عليكم ورحمة الله وبركاته
كيف الحال بنوتااااااااات
لطشت لكم خطوات وضع ميك اب وردي
بس الله يصلحهم مالقوا يطبقون الا على هالشييييييييييييفة
كيف تضعين مكيااااااااااااج وردي بنفسك ..
ادري ان هالملامح ماصلة لكن المكياج نفسه يطلع علينا احلى
طريقة وضع المكياج الزهري
اولا
اغسلي وجهك بمنظف وتونيك و حطي كريم عاادي او كريم اللي يكون فيه خاصية تثبيت المكياج وانتظري من 3 الى 5 دقايق عشان البشره تتشرب الكريم
8
8
الوجه قبل المكياج
ثانيا
حطي كريم الاساس على وجهك بشكل نقاط على الاماكن الموضحه في الصوره وفيه عدة طرق لنشر كريم الاساس ممكن
باصابع ايدينك
او باسفنجه ناشفه اومبلله
وممكن بفرشاه خاصه لنشر الكريم
وفيه عدة طرق لنشره زي الموضح بالصوره بالاسهم والافضل تبدين بكميه صغيره واذا حسيتي انه قليل تكثرين الكميه اما اذا حسيتي انه كثير تقللين الكميه بانك تحطين كريم عادي بكميه قليله وتنشرينه او تبللين الاسفنجه وتنشرينه اكثر على الوجه
ثالثا
طريقه وضع الكونسيلر او خافي العيوب
للكونسيلر عده الوان ولكل لون استخدام خاص به
الببيج المائل للبرتقالي للمناطق الغامقه بالوجه مثل السواد تحت العين او اثار الحبوب
الاخضر للحبوب الحمراء او اذا كنتي تعانين من تورد في الوجه
البني لتحديد معالم الوجه مثل تحديد الانف من الجنبين لتصغيره وتصغير الجبين والوجنتين وشرحناه بدرس قبل بشكل اوضح
بالنسبه لطريقة وضع الخافي اولا حطي عدة نقاط صغيره على الاماكن الغامقه مثل اللي بالصوره وانشريه
استخدمي طرف اصبعك الاوسط اوالسبابه لنشر الخافي او فرشاه خاصه بالخافي وانشريه بالتربيت مو المسح
اوالدهن وركزي على المنطقه الداخليه من العين لانها بالعاده تكون اغمق
وزي ماقلنا نبدا بقليل ونزود الكميه اذا احتجنا
واهم شي يكون الخافي قريب للون البشره اويكون افتح بدرجه وحده
رابعا
نشر البودره
سوأ كانت البودره مضغوطه اوحره تقدرين تنشرينه بواسطه الفرشه او الاسفنجه
وبالعاده البودره المضغوطه تكون اسفنجتها معها
وهذي نماذج للاسفنجات الخاصه بالبودره
والفرش
وتتميز فرش البودره بكبرها
وطريقه نشر البودره : انشريها بشكل عادي من الجبهه الى الذقن يعني من فوق لتحت عشان ماتبين الشعيرات الصغيره اللي في الوجه ولاتكثرين منها لانها تبين خطوط الوجه مثل التجاعيد وخطوط التعابير
بس كثري منها تحت العين عشان بعد ماتنتهين من رسم العين يسهل عليك ازاله الفائض والمتساقط من الشدو
نبدأ بمكياج العيون ودائما خوذي وقتك ولاتستعجلين برسم العين لانه يحتاج دقه وموازاه بين العينين
راح نستخدم ثلاث الوان
لونين زهري غامق وفاتح
شدو لؤلؤي بلمعه وعلى حسب ذوقك ممكن تكون اللمعه قويه اوخفيفه
اذا حابه تكون خفيفه استخدمي شدو فاتح عادي
او اذا كنتي حابه تكون اللمعه قويه استخدمي هذا النوع من الشدووهاذي درجاته
الشدو الفاتح يستخدم تحت الحاجب مباشره والهدف منه يعطي اضاءه للوجه
وللنهار او للي يحبون المكياج الخفيف راح نوضح الرسمه كيف تكون
اولا انشري بودره حره تحت العين اوبودره التلك عشان اذا تساقط الشدو تقديرين تزيلينه بسهوله
بعد كذا انشري شدو الزهر الفاتح على الجفن المتحرك بهاذي الفرشه
وحطي الشدو الزهر الغامق على الطرف الخارجي من الجفن المتحرك واذا حابه العين تكون وسيعه انشريه على الجفن الثابت بشكل قوس زي ماهو موضح بالصوره واستخدمي هاذي الفرشه لدمج اللونين الفاتح والغامق سوا
واستخدمي هذي الفرشه لرسم خط بالشدو تحت العين
او هاذي
واحسن طريقه لتثبيت الشدو ويكون اللون واضح ويرسم معاك زين انك تبللين الفرشه بشويه مويه
استخدمي لرسم الكحل شدو اسود او كحل سايل او افضل فرشه لضبط رسمة الكحل
ولطريقه الرسم اذا كنتي ماتعرفين تضبطين الرسمه حطي نقط صغييييره ووصليهم لبعض وابدي بخط صغيره وكبريه اذا حبيتي
وممكن تخلينه بهالطريقه الكلاسيكيه بحيث يكون الخط واضح او تدمجينه زي الصوره هاذي
ولدمج الكحل مع الشدو استخدمي هاذي الفرشه
انتهينا من رسم العين
طريقة وضع البلشر
لوضع البلشر او احمر الخدود طريقتين الاولى تضعينه بطريقه مايله تبدين من الاذن الى حد الفم
والهدف منه تنحيف الوجه
اما اذا كان وجهك طويل وحابه تعرضينه حطيه بطريقه مستقيمه من الاذن الى الانف
طريقة وضع الروج او احمر الشفاة
اذا كنت حابه يكون لون شفايفك نفس لون الروج حطي على شفايفك شوي من الكونسيلر او خافي العيوب
وابدأي برسم الشفاه بقلم التحديد وويكون نفس لون الروج اويكون لونه طبيعي
واستخدمي هاذي الفرشه لرسم الشفاه لانها تساعد على نشره بطريقه احسن وارتب
او ممكن تكتفين بوضع قلوس او ملمع شفاه
المكياج المسائي
نفس خطوات وضع كريم الاساس والخافي
بنبدأ بشرح رسمه العين
نفس الوان الشدو السابقه مع اضافة اللون الاسود
اولا انشري تحت العين بودره التلك او البودره السايبه عشان يسهل عليك ازاله الفائض من الشدو المتساقط
استخدمي اسفنجة الشدو لنشر الشدو الزهري على الجفن الثابت وبشكل قوس على الجفن المتحرك واستخدمي هاذي الفرشه لنشره تحت العين
او هاذي
انشري الشدو الاسود على الجفن الثابت بس واستخدمي هي الفرشه لتوسيعه ونشره على الجفن المتحرك
استخدمي هاذي الفرشه لنشر الشدو الاسود تحت العين او ممكن تستخدمين الكحل
ممكن تطبقين هاذي الرسمات للعين
طريقة وضع البلشر نفس الطريقه السابقه بس ممكن تستخدمين لون اغمق
ونفس طريقه وضع الروج وممكن تستخدمين لون اغمق
ان شاء الله الشرح كان وافي ومفهوم
تقبلوا تحياتي
" longdesc="62" />